A asociación de Persoas Adictas e Familiares ADIANTE fúndase no ano 1991 como necesidade de atención a persoas adictas e os seus familiares en As Pontes (A Coruña).

ADIANTE actualmente promove e potencia a asistencia a persoas con problemática de adiccións e ás súas familias abordándoa dun xeito integral e multidisciplinar, ofrecendo un tratamento dende unha perspectiva bio-psico-social por medio de terapias de grupo e individuais.

Ocúpase e preocúpase de dar visibilidade a este colectivo na sociedade loitando contra a estigma que provocan as adiccións e tamén coa prevención das mesmas por medio de xornadas anuais, información e difusión sobre a enfermidade e un programa transversal nos centros educativos e con nais e pais da zona.

ADIANTE está integrada a nivel estatal na Confederación de Alcohólicos, Adictos en Rehabilitación y Familiares de España (CAARFE).